Lles Plant mewn Byd Digidol

“O gymharu â thon 1, mae plant yn profi llai o effeithiau cadarnhaol digidol ar y rhan fwyaf o feysydd eu lles. Mae'r gostyngiadau hyn yn ystadegol arwyddocaol ar gyfer lles datblygiadol a chymdeithasol.

“Er eu bod wedi dweud eu bod wedi profi ychydig mwy o’r pethau cadarnhaol ar eu lles corfforol, mae plant hefyd yn profi llawer mwy o’r effeithiau negyddol o gymharu â’r llynedd.

“Mae’r Mynegai hefyd yn amlygu bod plant yn profi llai o’r effeithiau negyddol ar eu lles emosiynol o gymharu â’r llynedd.”

“Ar draws y sampl, po fwyaf o amser y dywedodd plant ei fod yn ei dreulio ar-lein ac ar gyfryngau cymdeithasol, y mwyaf yw nifer y profiadau hyn yr adroddwyd eu bod wedi’u cael. O’r plant sy’n treulio’r lleiaf o amser ar gyfryngau cymdeithasol, dim ond 2% a ddywedodd eu bod wedi profi pump neu fwy o’r mathau o niwed ar-lein, gan godi i 22% o’r chwartel o blant sy’n treulio’r amser mwyaf ar-lein.”

“Nododd ton gyntaf y Mynegai fod plant ag SEND, anableddau corfforol neu heriau gyda’u hiechyd meddwl wedi profi mwy o effeithiau negyddol technoleg ddigidol ar eu lles. Mae’r duedd hon yn parhau eleni, ac mae’r plant hyn hefyd yn fwy tebygol o fod wedi cael profiadau a allai fod yn niweidiol ar-lein, gan gynnwys gweld rhywbeth nad yw’n wir yn eu barn nhw, profi bwlio neu dderbyn sylw rhywiol digroeso gan ddieithryn. O gymharu â’r sampl plant 9-15 oed, mae plant agored i niwed sydd wedi cael y profiadau hyn yn fwy tebygol o adrodd bod y profiadau hyn yn cael effaith negyddol ddifrifol arnynt.”

“Profodd plant yr oedd eu sgorau mynegai yn cyd-fynd â’u rhieni lawer mwy o effeithiau cadarnhaol technoleg ddigidol, gyda gwahaniaethau ystadegol arwyddocaol i’w gweld ym mhob dimensiwn o les. Mae hyn yn arbennig o wir ar gyfer defnyddio’r rhyngrwyd i ddysgu sgiliau chwaraeon newydd, defnyddio apiau i’w helpu i gadw’n iach, cyfarfod â phobl ar-lein sy’n dod yn ffrindiau da, dod o hyd i bobl ar-lein y maent yn eu hedmygu ac yn edrych i fyny atynt, teimlo’n fwy cyfforddus â bod yn nhw eu hunain oherwydd bod ar-lein , a’u galluogi i ddod o hyd i hobïau newydd.”