Seiberfwlio: Cyn i chi ddechrau'r sgwrs (pobl ifanc yn eu harddegau)

Meddyliwch pryd a ble mae’n well siarad â nhw – yn y car neu mewn man niwtral lle maen nhw’n teimlo’n ddiogel.

Nodwch yr hyn rydych chi am ei ddweud i ganolbwyntio eich meddwl, a gwnewch y sgwrs yn berthnasol iddyn nhw.

Byddwch yn agored ac yn galonogol i wneud iddynt deimlo eu bod yn cael eu cefnogi.

Cynhaliwch ychydig o sgyrsiau bach i roi amser iddynt brosesu.

Cael perthynas onest â’ch plentyn yw’r cam cyntaf o ran gallu mynd i’r afael â seiberfwlio.

Siaradwch â nhw am eu bywydau digidol, yn union fel y byddech yn eu bywydau all-lein.

Ni fydd mwyafrif helaeth o bobl ifanc sydd wedi profi bwlio byth yn dweud wrth neb nac yn adrodd amdano oherwydd ofn na fydd yn cael ei gymryd o ddifrif.

Canfu ymchwil Ditch the Label fod y rhai sydd wedi profi bwlio eu hunain hefyd ddwywaith yn fwy tebygol o fynd ymlaen a bwlio eraill.

Mae bwlio yn ymddygiad a ddysgwyd - felly mae'n bwysig gosod esiampl dda ac atgyfnerthu bod yn ddinesydd digidol da yn rheolaidd.