Mae rhai pethau ar-lein yn gwneud i mi deimlo'n ofnus

Rydyn ni i gyd wrth ein bodd yn gweld lluniau neu fideos y mae ein ffrindiau'n eu postio; maen nhw'n gwneud i ni chwerthin, ac mae'n braf gweld beth mae ein ffrindiau yn ei wneud. Ond gall rhai lluniau, fideos, neu sylwadau eich cynhyrfu neu wneud i chi deimlo'n bryderus.

Os bydd hyn yn digwydd, mae yna bethau y gallwch chi eu gwneud i gael gwared arnyn nhw a gwneud profiadau ar-lein yn well i chi a phawb arall.

P'un a yw'n rhywbeth yr ydych wedi'i weld ar ddamwain, neu efallai iddo gael ei anfon atoch gan rywun arall; y peth cyntaf y gallwch ei wneud yw cau'r ffenestr a'r porwr a dweud wrth riant neu oedolyn dibynadwy.

Os ydych chi'n teimlo'n bryderus, cofiwch bob amser nad eich bai chi ydyw, a bydd siarad â rhywun yn helpu.

Ar gyfryngau cymdeithasol, mae pob defnyddiwr i fod i gadw at y rheolau. Gelwir y rhain yn Safonau Cymunedol, a phan fyddwn yn cofrestru i gyfrif cyfryngau cymdeithasol rydym yn cytuno i'w dilyn.

Os yw'r llun, y fideo neu'r sylw yn torri'r Safonau Cymunedol hyn ac mae angen eu riportio, gallwch wneud hyn ynghyd â rhywun rydych chi'n ymddiried ynddynt trwy ddefnyddio'r offer adrodd ar yr ap neu'r wefan lle gwelsoch chi ef.

Bydd hyn yn sicrhau bod y cynnwys yn cael ei wirio a'i dynnu cyn gynted â phosibl.

Bydd gan y mwyafrif o lwyfannau cymdeithasol ffyrdd o wneud hyn, ar Facebook gallwch ddefnyddio'r ddolen 'Adrodd' ger y cynnwys ei hun i riportio pethau sy'n torri canllawiau cymunedol.